യുട്യൂബോ ടിക്ടോക്കോ ?? വിമർശനങ്ങളെ നല്ല രീതിൽ സമീപിക്കേണ്ടത് അവനവന്റെ ധാർമികമായ ഉത്തരവാദിത്തമാണ്

ഞാൻ : പേര്?

ടിടോ : ടിക്ടോക്

യൂട്ടി : യൂട്യൂബ്

ഞാൻ : എവിടുന്നു വരുന്നു?

ടിടോ : ചൈന
|
(6 അടി അകലം വിട്ട്...)
|യൂട്ടി : അമേരിക്ക !

ടിടോ : അങ്ങനെ ആണെങ്കിൽ നീ എന്തിനാ അകലത്തു നിക്കുന്നെ ..അടുത്തോട്ടു വാ..കിട്ടാനുള്ളതെല്ലാം കിട്ടി ബോധിച്ചില്ലേ ?

യൂട്ടി : അതുവ്വ് !

ഞാൻ : ഹേയ് ..ഹേയ് ..ഹേയ്.. അതല്ല ഇവിടെ വിഷയം..

ഞാൻ : വയസ്സ് ?

യൂട്ടി : 15 വയസ്സാകുന്നു.(released on 2005 )

ടിടോ : 4 വയസ്സാവുന്നു (release : 2016 )

യൂട്ടി : ഹെന്റെ എടേയ്..എന്നിട്ടാണോടെയ് നിനക്കെന്നോടിത്രെ പുച്ഛം..ഒന്നൂല്ലെങ്കി നിന്നെക്കാ 10 ഓണം കൂടുതൽ ഉണ്ടതല്ലേടേയ് ഞാൻ ?

ടിടോ : ഞാനല്ലണ്ണാ ... ഈ പുള്ളേരാ..
ഞാൻ : നിർത്ത് ..നിർത്ത് ...ഇനി ഇവിടേം തുടങ്ങേണ്ട ..

(യൂട്ടി യും ടിടോ യും ഒന്നിച്ചു തലയാട്ടുന്നു )

ഞാൻ : നിങ്ങടെ കർമ്മമേഖല ?

ടിടോ : എന്റർടൈൻമെന്റ്..വെറും എന്റർടൈൻമെന്റ്...മേമ്പൊടി ആയി കുറച്ചു ഡാൻസ്..കുറച്ചു സ്‌കിൽസ്...ഒരിത്തിരി എഡ്യൂക്കേഷനും.???

യൂട്ടി : ആകാശത്തിനു ചുവട്ടിലെ ഏത് ടൈപ്പ് വിഡിയോയും ..ഈ യൂട്ടി ക്കു സമമാണ്. എല്ലാം എന്റെ കയ്യിലുണ്ട്.

ടിടോ : ഓ ..ജാഡയാണോ മോനൂസെ .. നിന്റെ കയ്യിൽ കരളലിയിക്കുന്ന കണ്ണീർകഥകൾ ഉണ്ടോ.. കലിപ്പനും കാന്താരിയുമുണ്ടോ? പല്ലിളിച്ചും..കോക്രി കാട്ടിയും പേടിപ്പിക്കുന്ന വകകൾ ഉണ്ടോ..ഇല്ലാലെ...ഉഹുഹുഹു

യൂട്ടി : പിന്നെന്താ..ഇതെല്ലാം നിന്റെ ചില പുള്ളേർ വന്നു ഇവിടെ കുത്തി കേറ്റിയിടുന്നുണ്ട് . പിന്നെ നിന്നെ ട്രോളുന്നതെങ്ങാനാണെന്നാ വിചാരം ?

ടിടോ : എന്തൊരു തേപ്പടെയ് ? ?

ഞാൻ : അപ്പൊ വീഡിയോ ടെ നീട്ടം ?

ടിടോ : ഐ ആം വെരി ബിസി യു നോ? അതുകൊണ്ടു തന്നെ വെറും സെക്കൻഡ്‌സ് മാത്രേ ഞാൻ അനുവദിച്ച്‌ കൊടുക്കാറുള്ളു.ഒരു 1 മിനിറ്റു വരെ ഒക്കെ ഞാൻ സഹിക്കും. പിന്നെ എനിക്ക് പറ്റൂല. ചില വിരുതന്മാർ എന്തോ കുത്തിത്തിരിപ്പ് കാണിച് 3 മിനിറ്റൊക്കെ ആക്കുന്നുണ്ട് ..എന്തു ചെയ്യാം എല്ലായിടത്തും കാണുമല്ലോ ഇത് പോലെ കൊറച്ചു...

യൂട്ടി : അനിയാ ..നീയിത്ര ബിസി ആണോ..എനിക്ക് പിന്നങ്ങനെ ഒന്നും ഇല്ല. സെക്കൻഡുകൾ തൊട്ട്.. മണിക്കൂർ'സ് ആൻഡ് മണിക്കൂർ'സ് വരെ ഉണ്ട്. പക്ഷെ എനിക്ക് വിശ്വാസമില്ലാത്തവർക്ക് 15 മിനിറ്റേ കൊടുത്തിട്ടുള്ളൂ...കാലമതാണേ ..ആരേം വിശ്വസിച്ചൂടാ .. ‍♂️(YT gives 15 minutes by default. verified/trusted accounts can upload more duration )

ഞാൻ : പകർപ്പവകാശം?

യൂട്ടി : ഉണ്ട് ഉണ്ട്..കോപ്പി റൈറ്റ് ഉണ്ടേയ്.

ടിടോ : ഹ്മ്മ്.. കോപ്പിയടി റൈറ്റ് ഉണ്ട് ..

യൂട്ടി : അതെന്തുവാ?

ടിടോ : അത് ഞമ്മന്റെ പുള്ളേർക്കറിയാം..കൂടുതൽ പറയാൻ തല്ക്കാലം ഉദ്ദേശിക്കുന്നില്ല.

ഞാൻ : കുൽസിതം?

യൂട്ടി : ഏഹ്..ഏഹ് ..ഏഹ് . കുൽസിതം ഇല്ലാതില്ല..നമ്മൾ എത്രെ ഒക്കെ നിയന്ത്രിച്ചാലും..പിന്നേം വരും..എന്നാലും..ഞമ്മന്റെ ഡെവലപഴ്സും (developers) ഗൈഡ് ലൈൻസും സ്ട്രോങ്ങാ..ട്രിപ്പിൾ സ്ട്രോങ്ങ്..!!

ടിടോ : ഉവ്വുവ്വ് കേട്ടിട്ടുണ്ടേയ്..പുള്ളേര് വയസ്സിൽ കൃത്രിമം കാണിച്ച കിട്ടൂലെ നിങ്ങൾ ഒളിപ്പിച്ചു വച്ച വീര്യം കൊറഞ്ഞ കുൽസിതങ്ങൾ ?

യൂട്ടി : ഒരു വക റെഗുലേഷനും ഇല്ലാത്ത നീ ആണ് എന്നോട് കൊണവതികാരം പറയുന്നേ.. കുൽസിതം കൂടിട്ട് നിനക്ക് ഇന്ത്യയിൽ നിന്ന് 2019 ലു ബാൻ കിട്ടിയത് ഓർക്കുന്നില്ലേ കുട്ടാ..? ഇപ്പോഴത്തെ പോക്ക് വച്ച് വൈകാതെ ചിലപ്പോ ഒന്ന് കൂടെ കിട്ടിബോധിച്ചേക്കാം .

ടിടോ : സെഡ്‌ ആക്കല്ലേ യൂട്യേട്ട ..!!

ഞാൻ : ഞങ്ങടെ വിഡിയോസും വിവരങ്ങളുമെല്ലാം സുരക്ഷിതമാണല്ലോ അല്ലെ?

ടിടോ : പിന്നെന്താ.. ഞാൻ സുരക്ഷ കൂട്ടുന്നതിന്റെ ഭാഗമായി ഞമ്മന്റെ ജന്മനാട്ടിൽ എടുത്തു വച്ചട്ടുണ്ട് എല്ലാം..
(there are many concerns about data being leaked and china has something to do with it.)

യൂട്ടി : ഹോഹ്..എന്തൊരു കരുതലാണ് ഈ മൻസനു ..???

ടിടോ : ഓ ഒരു പുണ്യാളൻ..നീ ഡാറ്റാ വച്ച് ചെയ്യുന്നത് എന്താന്ന് നമുക്ക് അറിയാത്തതൊന്നും അല്ല കേട്ടോ ..

യൂട്ടി : എന്റെ ഡാറ്റാ ഒക്കെ എന്റെ ഗൂഗിൾ മാമന്റെ കയ്യിൽ സേഫ് ആണ് ട്ടോ.

(you know how safe is you data in google!! )

ഞാൻ : ആ ബെസ്റ്റ്!!!

അപ്പോൾ പറഞ്ഞു വന്നത് നമ്മുടെ പ്രൈവസി ഒക്കെ കയ്യാല പുറത്തെ തേങ്ങാ ആയ ഈ കാലത്ത്, നമ്മുടെ ആപ്പ് വിനിയോഗങ്ങളും, ഇടപെടലുകളും നാം തന്നെ സൂക്ഷിക്കേണ്ട സംഗതികൾ ആണ്.

ഒരു മൈക്ക് കിട്ടിയാൽ എന്തും വിളിച്ചു പറയാമെന്നിരിക്കെ..എന്ത്, എവിടെ ,എങ്ങനെ ,ഏത് തരത്തിൽ അവതരിപ്പിക്കണമെന്നതും , തെറ്റു സംഭവിച്ചാൽ തിരുത്തി മുന്നോട്ടു പോകേണ്ടതും, വിമർശനങ്ങളെ നല്ല രീതിൽ സമീപിക്കേണ്ടതും എല്ലാം അവനവന്റെ ധാർമികമായ ഉത്തരവാദിത്തമാണ്..അതിൽ നിന്ന് ഒഴിഞ്ഞുമാറാതിരിക്കാൻ ശ്രമിക്കുക !

തിരശ്ശീല ഫേസ്‌ബുക്കിൽ ഗ്രുപ്പിൽ Saivaj Sathyan കുറിച്ചത്

Read original FB post